२५ वर्षपछि मनीषा र भन्सालीको सहकार्य : नेटफिल्क्स सिरिज ‘हीरामण्डी’मा मनीषा अनुबन्धित

मुम्बइ । के तपाईंलाई संजयलीला भन्साली निर्देशित फिल्म ‘खामोशी : द म्युजिकल’मा मनिषा कोइरालाको दमदार अभिनयबारे याद छ ? यदि त्यसो हो भने तपाईंको लागि खुशिको खबर छ ।

निर्देशक भन्साली र अभिनेत्री कोइरालाले नयाँ प्रोजेक्टको लागि पुनः सहकार्य गर्दैछन् । बलिउड वेब पोर्टल बलिउड हंगामाका अनुसार २५ वर्ष यी दुईबीच टीमअप हुन लागेको हो ।

मनिषाले भन्सालीको नेटफिल्क्स सिरिज ‘हीरामण्डी’लाई औपचारिकरुपमा लिखित सहमती गरेकी छिन् । यो फिल्मलाई कस्ट्युम ड्रामा बताइएको छ । यो फिल्ममा यसअघि हुमा कुरेसी र सोनाक्षी सिन्हा पनि अनुबन्धित भैसकेका छन् ।

भन्सालीले हालै आफू निर्देशित पछिल्लो फिल्म ‘गंगुबाइ कठियावाडी’को काम सकेका छन् भने अहिले सबै समय हीरामण्डीको लागि खर्चिएका छन् । यो सिरिजको काम दुई महिनादेखि भैरहेको छ ।

हीरामण्डीले दुई आकर्षक महिला यौनकर्मीको कथा भन्छ । भारतीय फिल्म उद्योगका चर्चित हिरोइनले यो सिरिजको लागि पहिलोपटक सहकार्य गर्दैछन् । हीरामण्डीको पहिलो सिजनमा सात एपिसोड हुने जनाइएको छ ।

दोस्रो सिजन पनि सन् २०२२ मै हुने जनाइएको छ । पहिलो एसिपोडलाई पनि भन्सालीले नै निर्देशन गर्ने भएका छन् । तर, सबै एपिसोडको निर्देशन चाहिँ भन्सालीका निर्देशन सहायक विभू पुरीले निर्देशन गर्ने भएका छन् ।