‘कमेडी क्लब विथ च्याम्पियन्स’ माघ दोस्रो सातादेखि एनटीभीमा

काठमाडौं । नेपालमा सबैभन्दा ठूलो टेलिभिजन कमेडी सो भनिएको ‘कमेडी क्लब विथ च्याम्पियन्स’ माघ दोस्रो सातादेखि प्रसारण हुने भएको छ ।

बुधबार राजधानीमा आयोजित पत्रकार सम्मेलनमा यसबारे जानकारी दिइयो । की-एड्भटाइर्जिङ र थ्री प्रोडक्सनले सात जना कलाकारलाई लिएर कार्यक्रम संचालन गर्न लागेको हो ।

कमेडी च्याम्पियन सिजन १ र २ का प्रतिस्पर्धीहरु पवन भट्टराई, मेक्सम गौडेल, श्रेया सुवेदी, साजन श्रेष्ठ, उमेश राई, सुमन कार्की र कैलाश कार्कीले भाग लिने भएका छन् । ती सिजनका अन्य प्रतिस्पर्धीले पनि भाग लिन पाउने भएका छन् ।

प्रत्येक सोमबार बेलुका ८ बजेर ५० मिनेटमा नेपाल टेलिभिजनबाट सो प्रसारण हुने भएको छ । पत्रकार सम्मेलनमा बोल्दै निर्देशक विशाल भण्डारीले फरक शैलीको कार्यक्रमलाई दर्शकमाझ ल्याउन लागिएको बताए । की–एड्भर्टाइजिङका प्रमुख रविन्द्रकुमार रिजालले कार्यक्रमले दर्शकको मन जित्ने विश्वास व्यक्त गरे ।

यसअघि एनटीभीमा मुुन्द्रको कमेडी क्लब प्रसारण हुँदै आएको समयमा कमेडी क्लब विथ च्याम्पियन्स प्रसारण हुन लागेको हो ।