‘छक्कापञ्जा’द्वारा युट्युवमा कीर्तिमान : बन्यो तीन करोड पटक हेरिने पहिलो नेपाली फिल्म

काठमाडौं । ‘छक्का पञ्जा’ भिडिओ साझेदारी साइट युट्युवमा सबैभन्दा धेरैपटक हेरिने नेपाली फिल्म बनेको छ ।

बुधबार मध्यान्हसम्म दीपकराज गिरी र प्रियंका कार्की स्टारर फिल्मलाई हाइलाइट्स नेपालका दुईवटा युट्युव च्यानलबाट ३ करोडभन्दा बढी पटक हेरिएको छ ।

हाइलाइट्स नेपालबाट १ करोड ९३ लाख र हाइलाइट्स नेपाल मूभिजबाट १ करोड १० लाखभन्दा बढी पटक हेरिएको छ । यी दुबै युट्युव च्यानलको राइट्स फिल्मको डिजिटल कम्पनी हाइलाइट्स नेपालसँग सुरक्षित छ ।

‘प्रेमगीत’ लाई युट्युवमा आजसम्म २ करोड ६२ लाख पटक हेरिएको छ ।

आफू अभिनित र निर्मित फिल्मले युट्युवमा ३ करोडको मार्क पार गरेपछि नेपाल पे्रससँग कुरा गर्दै दीपकराज गिरीले हर्ष व्यक्त गरे । ‘म छक्का पञ्जा दुई र तीनलाई पुनः बनाउन सक्छु तर एकलाई सक्दिन’ उनले भने, ‘त्यो फिल्म पूर्णतः अर्गानिक छ ।’

अहिले छक्का पञ्जाको चौंथो श्रृंखला लेखिरहेका दीपकले कोरोनाको स्थितीमा सुधार भए आगामी बैशाखबाट छायांकनमा जाने र दशैंमा रिलिज गरिने बताए ।