जब वर्षाले इन्स्टाग्रामबाट लुकाइन् पति संजोगसँगका तस्बिर !

काठमाडौं । वर्षा राउत र संजोग कोइरालाको जोडीलाई नेपाली मायानगरीमा उदाहरणीय जोडीको रुपमा पनि लिइन्छ । लामो समयको प्रेम सम्बन्धलाई बिहेमा बदलेको यो जोडी फिल्मसँगै व्यवसायिक गतिविधिमा पनि उत्तिकै सक्रिय छ ।

सामाजिक संजालमा पनि यो जोडीको निकै चर्चा हुने गर्छ । तस्बिरदेखि भिडिओसम्म पनि उनीहरुले सँगै पोस्ट गर्छन् । तर, सम्बन्धलाई लिएर यो जोडी पुनः चर्चामा छ ।

त्यो चर्चा वर्षाले पति तथा अभिनेता कोइरालासँगका तस्बिरलाई इन्स्टाग्रामबाट आर्काइभ गरेपछि (लुकाएपछि) सुरु भएको हो । उनले व्यवसायिकबाहेक व्यक्तिगत क्षणका तस्बिरलाई आर्काइभ गरेपछि उनीहरुको सम्बन्धलाई लिएर अनुमान सुरु भएका हुन् ।

यो कुरालाई लिएर मिडियामा चर्चा सुरु हुन थालेपछि भने वर्षाले आर्काइभबाट संजोगसँगका तस्बिरलाई लाइभमा ल्याएकी छिन् । ‘हाम्रो झगडा पर्दा मैले सबै फोटोलाई आर्काइभमा राखेकी हुँ । कहिलेकाहिँ त श्रीमानलाई घुर्की देखाइहालिन्छ नि ।’

निकट स्रोतका अनुसार संजोग पनि वर्षाको उक्त कार्यबाट असन्तुष्ट छन् ।