सोनमसँग ब्रेकअपपछि गायक सुशान्तसँगको अफेयरमा आना !

काठमाडौं । पछिल्लो समयकी चर्चित नायिका आना शर्मा फिल्मसँगै रिलेसनसिपले पनि बेलाबखत चर्चामा आउँछिन् । केहीवर्षदेखि उनी यति समूहका सोनम शेर्पासँगको प्रेममा थिइन् ।

सामाजिक संजालमै ‘जेरी’ फेम्ड नायिका आना र सोनमबीचको रोमान्टिक तस्बिर सार्वजनिक पनि भएका थिए । अहिले भने यी दुईबीचको रिलेसनसिप टुंगिएको खबर छ ।

आना र गायक सुशान्त केसी अफेयरमा रहेको खबर छ । यी दुई अहिले अंग्रेजी नयाँवर्ष सन् २०२२ सेलिव्रेसन गर्न मुस्ताङमा छन् । सुशान्त र आनाले फेसबुक र इन्स्टा स्टोरीमा घुमघामका तस्बिर पनि सेयर गरिरहेका छन् ।

केहीअघि आनालाई लिएर सुशान्तले निर्माण गरेको म्युजिक भिडिओ पनि सार्वजनिक भएको थियो । स्वप्न सुमनसँग सुशान्तले सहकार्यमा रिलिज गरिएको भिडिओमा आना फिचर्ड थिइन् ।

जेरी फिल्म रिलिजताका आना र अनमोल प्रेममा थिए । तर, अनमोलको नाम साम्राज्ञीसँग जोडिएपछि आना एक्लिएकी थिइन् । अनमोलसँग छुटेपछि आना सोनमसँग जोडिएकी थिइन् ।

सन् २०१६ मा अष्ट्रेलियाबाट ब्यापार शिक्षा पढेर स्वदेश फर्किएका सुशान्त अहिले सांगीतिक कर्ममा सक्रिय छन् ।