राजेशपायल राईमाथि हातपात गर्ने शेर्पाले रक्सी चढाएर माफी मागे

काठमाडाैं । गायक राजेशपायल राईमाथि दुर्व्यबहार गर्ने पासाङ दावा शेर्पाले माफी मागेका छन । शेर्पा सस्कृती अनुसार उनले रक्सी र खादा सगुन दिएर माफी मागेका हुन् ।

उनले माफी मागेको तस्बिर सार्बजनिक भएको छ जहाँ दुबै जना खुसी देखिन्छन् । शनिबार अमेरिकामा आयोजित नयाँवर्षको स्वागत कार्यक्रममा गीत गाइरहेका राईमाथि शेर्पाले पछाडिबाट आएर हातपातको प्रयास गरेका थिए ।

भिडियोमा शेर्पाको व्यवहारले गायक राई आक्रोशित दखिए पनि आयोजकले भने घटनाको बचाउ गरेको थियो । भिडियो सार्वजनिक भएपछि शेर्पाको त्यो हर्कतको सर्वत्र आलोचना भएको थियो ।

अमेरिकाका केहि कार्यक्रम सकाएर गायक राई केहिदिनमै स्वदेश फर्कँदैछन् ।