‘उही बाटो’मा सुधीर र स्मारिका (भिडिओ)

काठमाडौं । गायक टीकाराम कट्टेल र गायिका अञ्जु पन्तको स्वर रहेको गीत ‘उही बाटो’को भिडिओ सार्वजनिक भएको छ । गीतमा रवी मल्लको शब्द, अर्जुन पोखरेलको संगीत, फणिन्द्र राईको एरेञ्ज र सुमन खड्काको मिक्सिङ तथा मास्टरिङ छ ।

विधान कार्की निर्देशित भिडिओमा सुधीर श्रेष्ठ र स्मारिका ढकालको अभिनय छ । भिडिओमा नबिना थापाको विशेष अभिनय छ । हिमालय दृश्य रिसोर्ट धुलिखेलमा छायांकन गरिएको भिडिओमा नवराज उप्रेतीको छायांकन, विकास दाहालको सम्पादन, मनीषा पोखरेलको कला निर्देशन, माधव शर्माको सहायक निर्देशन छ ।

भिडिओका निर्माता गायक टिकाराम कट्टेल नै हुन् । भिडिओ द डिभाइन म्यूजिकबाट सार्वजनिक गरिएको हो ।