हरभजन सिंहले लिए क्रिकेटबाट सन्न्यास

नयाँ दिल्ली । भारतीय स्पिनर हरभजन सिंहले सबै प्रकारका क्रिकेटबाट औपचारिक सन्न्यास लिएका छन् । ट्विटरमा एक भिडियो सन्देश पोष्ट गर्दै उनले औपचारिक सन्न्यासको घोषणा गरेका हुन् ।

भारतीय राष्ट्रिय टिमबाट सिंह लामो समयदेखि बाहिर थिए । यद्यपि, उनको आइपीएल फ्रेन्चाइज कोलकात्ता नाइट राइडरसँग आवद्धता रहेकाले सन्न्यासको घोषणा गरेका थिएनन् ।

आफ्नो भिडियो सन्देशमा सिंहले भनेका छन्, ‘जीवनमा एउटा समय आउँछ, जब तपाईंले कठिन निर्णय लिएर अघि बढ्नुपर्ने हुन्छ । मैले यो घोषणा केही वर्षअघि नै गर्न लागेको हो । तर, तपाईंहरुलाई भन्नका लागि सही समयको प्रतिक्षामा थिएँ । आज म सबै प्रकारका क्रिकेटबाट अवकाश लिएको घोषणा गर्छु ।’

All good things come to an end and today as I bid adieu to the game that has given me everything in life, I would like to thank everyone who made this 23-year-long journey beautiful and memorable.
My heartfelt thank you 🙏 Grateful .https://t.co/iD6WHU46MU

— Harbhajan Turbanator (@harbhajan_singh) December 24, 2021