ला लिगामा एल्चेमाथि बार्सिलोनाको जित
नेपाल प्रेस
२०७८ पुष ४ गते ७:१४
एजेन्सी । स्पेनिस ला लिगामा बार्सिलोनाले एल्चेमाथि ३–२ गोलअन्तरको जित हासिल गरेको छ । बार्सिलोनाको जितमा निको गोन्जालेजले खेलको अन्त्यतिर गोल गरेका हुन् ।
पहिलो हाफमा बार्सिलोनाले २ गोलको अग्रता बनाएको थियो । फरान जुट्ग्लाले १६औं र गाभीले १९औं मिनेटमा गोल गरेका थिए । १७ वर्षीय गाभीले ला लिगामा पहिलो गोल गरेका हुन् ।
दोस्रो हाफफ दुई मिनेटभित्र २ गोल गर्दै एल्चे खेलमा फर्कियो । ६२औं मिनेटमा टेटे मोरेन्टे र अर्को मिनेटमा पेरे मिल्लाले गोल गरेका हुन् ।
जितसँगै बार्सिलोना २७ अंकसहित लिगको सातौं स्थानमा पुगेको छ । तर शीर्ष स्थानको रियल मड्रिडभन्दा अझै १५ अंकले पछाडि छ ।
उनीहरु पाँचौं स्थानको एट्लेटिको मड्रिडभन्दा २ अंकले अगाडि छन् । एट्लेटिकोले सेभियासँग २-१ को हार ब्यहोरेको छ ।
नेपाल प्रेस
प्रकाशित: २०७८ पुष ४ गते ७:१४
प्रतिक्रिया
सम्बन्धित खवर
