मंसिर सकिनै लाग्दा केकीको रेडिमेड जवाफ : भनेजस्तो युवक पाएकै छैन !

काठमाडौं । केकी अधिकारी नेपालकी ‘मस्ट एलिगेबल ब्याचलर’ हुन् । भन्नुको अर्थ, उनी बिहेको लागि योग्य छिन् भन्न खोजिएको हो ।

मंसिर आज सकिँदैछ । नेपाली समाजमा मंसिरलाई बिहेको सिजन पनि मानिन्छ । यस्तोमा अविवाहित युवती र सेलेव्रिटीलाई बिहेको लागि आउने दबाब र प्रस्ताव नयाँ कुरा होइन ।

फिल्मसँगै पछिल्लो समय टेलिभिजन कार्यक्रम उत्पादनमा पनि व्यस्त केकी रिलेसनसिपमा रहेको गाइँगुइँ नचलेको पनि होइन । तर, उनले यसलाई सार्वजनिकरुपमा स्वीकारेकी छैनन् ।

रिलेसनसिपमा रहेकी केकीको बिहे योजना कस्तो छ ? बिहेलाई लिएर उनी के सोचिरहेकी छिन् ? मंसिरको अन्तिम दिन बुधबार सामाजिक संजालमा उनले केही आकर्षत तस्बिर पोस्ट गरेकी छिन् र विडिङ सिजनको साथमा पहेँलो रङको इमोजी पनि उल्लेख गरेकी छन् ।

केकीलाई मंसिर सकिन लागेकोमो चिन्ता हो या उनी आगामी बिहेको सिजनहरुमा आफूलाई सिंगलबाट मिंगल तुल्याउन चाहन्छिन् । प्रायः मिडियाले बिहे कहिले गर्ने भनेर केकीलाई सँधै एउटै प्रश्नले हत्तु बनाउँछन् । उनको रेडिमेड जवाफ हुने गर्छ : भनेजस्तो युवक नै पाएको छैन ।

भन्नुको अर्थ, केकी मन मिल्ने पाटर्नरको खोजीमा छिन् र निकट भविष्यमा मिंगल हुने उनको चाहना छ ।