नेपाल भाषाको गीत ‘धाय मुफता’ इन्टरनेट रिलिज (भिडिओ)

काठमाडौं । भनिन्छ : संगीतको कुनै भौगोलिक सीमा र खास भाषा हुँदैन । पछिल्लो समय नेपालमा केही यस्ता गीत छन् जसले कुनै सम्बन्धित भाषाभन्दा बाहिरका दर्शकसामु पनि चर्चा बटुलेका छन् ।

बिहीबार युट्युवमा रिलिज भएको ‘धाय माफुता’ यसको एउटा उदाहरण हो । नेपाल (नेवारी) भाषामा बनेको यो गीतलाई नेपाली भाषीसहितका अन्य दर्शक तथा श्रोताले पनि रुचाउन सक्छन् ।

बबुल गिरीको शब्द तथा संगीत रहेको गीतमा दीपक नेपालीका शब्द समावेश छन् । अस्मिता परियार र प्रिजल नेपालीको स्वर समावेश गीतलाई गैर-नेपाल भाषी श्रोताले पनि रुचाउने आशा संगीतकर गिरीले लिएका छन् । माइकल स्टेप-अप र आर्ट्स एकेडेमीको नृत्य निर्देशन रहेको भिडिओलाई काठमाडौंका दरबार स्क्वायरमा खिचिएको छ । हेर्नूस गीत :