‘तिम्रो हाँसो’ गीतको भिडिओमा एलिजा र प्रहिलको प्रेम

काठमाडौं । गायिका रानी शाक्य र गायक सुगम पोखरेलको युगल स्वरमा समाबेश गीत ‘तिम्रो हाँसो’ रिलिज भएको छ । दधी अधिकारीको शब्द रचना, कल्याण सिंहको संगीत रहेको उक्तगीतमा राहुल प्रधानको एरेन्ज र प्रदीप जोशीको मिक्सिङ एण्ड मास्टरीङ रहेको छ ।

सिन्धुपाल्चोकको रमणीय स्थल सुकुटे बिचमा छायांकन गरिएको गीतको भिडियोमा पहिलोपटक नायिका एलिजा गौतम र प्रहिल कार्कीले स्क्रीन सेयर गरेका छ्न् । लामो समयपछि भिडियोमा देखिएका यी दुई जनाको अस्क्रीन रोमान्स रहेको छ।

प्रहिल कार्कीको नै निर्देशन रहेको भिडियोमा सुरेन्द्र बसेलको कोरियोग्राफी, आभेश बज्राचार्य सिनेमाटोग्राफी ,माधव बेल्बासेको सम्पादन र जीवन स्वारको सह निर्देशन रहेको छ ।