रियल मड्रिड ला लिगाको शीर्ष स्थानमा फर्कियो
नेपाल प्रेस
२०७८ मंसिर ६ गते ७:१७
एजेन्सी । ग्रानाडामाथि ४–१ गोलअन्तरको जितका साथ रियल मड्रिड स्पेनिस लालिगाको शीर्ष स्थानमा फर्किएको छ ।
मार्को एसेन्सियो र नाचोको गोलले रियललाई सुरुआतमै अग्रता दिलाएको थियो । ग्रानाडाका लुइस सुवारेजले पहिलो हाफअघि एक गोल फर्काएका थिए ।
दोस्रो हाफमा भिनिसियस जुनियर र फरल्याण्ड मेन्डीले रियलका लागि गोल गरेका हुन् । घरेलु टोली ग्रानाडा ६७औं मिनेटमा १० खेलाडीमा समेटिएको थियो । उसका खेलाडी रोड्रिग्वेज जेनिमेजले रातो कार्ड पाएका हुन् ।
यो जितपछि रियलले सेभिया र रियल सोसिडाडलाई पछि पारि ला लिगाको शीर्ष स्थानमा पुगेको छ । ग्रानाडा भने रेलिगेसन क्षेत्रमा संघर्षरत छ ।
प्रतिक्रिया