आइतबार ३ सय संक्रमित थपिए, ६ जनाको मृत्यु

काठमाडौं । पछिल्लो २४ घण्टामा आइतबार देशभर ३०६ जना कोरोनाभाइरस संक्रमित थपिएका छन्। स्वास्थ्य तथा जनसंख्या मन्त्रालयका अनुसार पीसीआर परीक्षणबाट २९१ र एन्टिजेन परीक्षणबाट १५ जनामा कोरोना संक्रमण पुष्टि भएको हो ।

पछिल्लो २४ घण्टामा ९ हजार ६०६ जनाकाे नमूना (८००८ पीसीआर र १५९८ एन्टीजेन)परीक्षण गर्दा ती संक्रमित थपिएका हुन् ।

सोही अवधिमा ३४८ जना कोरोनामुक्त भएका छन् भने कोरोनाबाट ६ जनाको मृत्यु भएको छ।

अहिले देशभर सक्रिय संक्रमितको संक्रमितको संख्या ७ हजार २१५ छ ।

स्वास्थ्य मन्त्रालयका अनुसार अहिलेसम्म ९ लाख भन्दा बढी कोरोनाभाइरस संक्रमित छन् भने हालसम्म ७ लाख ९८ हजार २७४ जना कोरोनामुक्त भएका छन् ।

कोरोनाबाट मृत्यु हुनेको कुल संख्या ११ हजार ४७७ पुगेको छ ।

२४ घण्टामा १५ हजार ९०६ जनाले कोभिड(१९ विरुद्धको खोप लगाएको स्वास्थ्य मन्त्रालयले जानकारी दिएको छ ।