राजेशले ‘सत्यम’मा नीलमसँग अनस्क्रिन रोमान्स गर्ने
नेपाल प्रेस
२०७८ कार्तिक २१ गते १९:०४
पोखरा । फिल्म ‘सत्यम’ यसको स्टारकास्टले चर्चामा छ । किनभने यो फिल्ममा राजेश हमालदेखि पल शाहसम्मका स्टार छन् ।
फिल्ममा कास्टको समीकरणले करिब पूर्णता पाएको छ । पल र यसमा मलिका महतसँग अनस्क्रिन रोमान्स गर्नेछन् । हमालले पनि रोमान्सका लागि जोडी भेटेका छन् ।
राजेश र भिजे तथा मोडल नीलम चन्दले यसमा जोडी बाँध्नेछन् । नीलम राजेशकी गर्लफ्रेन्डको रुपमा चित्रण हुने निर्देशक शंकर कार्कीले नेपाल प्रेसलाई बताए ।
नीलमले कान्तिपुर टेलिभिजनमा कल कान्तिपुर कार्यक्रमकी होस्टसमेत हुन् ।
राजेशकी पत्नीको अनस्क्रिन भूमिकामा निरुता सिंह हुने सम्भावना छ तर, यसबारे फाइनल गरिएको छैन । फिल्ममा अनुपविक्रम शाही भिलेनको भूमिकामा देखिनेछन् ।
मुस्ताङ र पोखरामा खिचिने फिल्मलाई रेशम सापकोटाले निर्माण गर्नेछन् ।
नेपाल प्रेस
प्रकाशित: २०७८ कार्तिक २१ गते १९:०४
प्रतिक्रिया
सम्बन्धित खवर
