वायु प्रदूषणले उच्च रक्तचाप र मिर्गौलाका बिरामीमा बढी जोखिम

काठमाडौं । वायु प्रदुषणले मुटु सम्बन्धि रोगको जोखिम बढ्ने अध्ययनले देखाएको छ । अमेरिकामा हालै गरिएको एक अनुसन्धानले वायु प्रदुषणले मुटु रोगी, उच्च रक्तचाप भएको बिरामीलाई सबैभन्दा बढी असर गर्ने जानकारी दिएको छ ।

अुसन्धानकर्ताका अनुसार यदि बिरामी मृर्गौला रोगी र उच्च रक्तचाप जस्ता समस्यासँग जुधिरहेको छ भने वायु प्रदुषणले झनै कमजोर बनाईदिने अध्ययनले देखाएको छ ।

२०२१ मा अमेरिकन सोसाइटी अफ नेफ्रोलोजी किड्नी वीकले बिहीबार दाबी गरेको छ । अनुसन्धानकर्ताका अनुसार वायु प्रदुषणले सीधा मुटुका बिरामीहरुलाई असर गर्छ । यदि वायु प्रदुषणबाट आफुलाई बचाउने हो भने हृदय रोगको जोखिम कम गर्न सकिन्छ ।

उच्च रक्तचापबाट मिर्गौंलाका बिरामीमा ग्लाइसिन–३ को मात्रा बढेको अनुसन्धानकर्ताहरुले बताएका छन् । यो प्रत्यक्ष रुपमा वायु प्रदुषणसँग सम्बन्धित भएकाले यसले मुटु भित्रि रुपमा कमजोर बनाउँछ ।

१०१९ जना बिरामीमा गरिएको अनुसन्धानमा यस्तो बिरामीमा मायोकार्डियल फाइब्रोसिस अर्थात मुटु कमजोर हुन थाल्छ र यसले हृदयघात वा मृत्यु समेत हुनसक्ने विज्ञहरुले बताएका छन् ।