‘रेड सुटकेस’मा पनि जोडी बाँध्दै सौगात र सृष्टि

काठमाडौं । केहीवर्षदेखि सौगात मल्ल र सृष्टि श्रेष्ठ रिलेसनसिपमा छन् । यो जोडीले रियलसँगै रिल लाइफमा पनि जोडी बाँधिरहेको छ । उनीहरु निकट भविष्यमै बिहे तयारीमा छन् ।

सौगातको आफ्नै निर्माण रहेको फिल्म ‘राधा’मा समेत उनीहरुलाई जोडीको रुपमा देख्न पाइनेछ । सुवर्ण थापा निर्देशित यो फिल्म अहिले पोस्ट-प्रोडक्सनमा व्यस्त छ ।

सौगात र सृष्टिलाई लिएर नयाँ खबर छ । स्रोतका अनुसार फिडेल देवकोटाले निर्देशन गर्ने सोसल ड्रामा फिल्म ‘रेड सुटकेस’मा सौगात र सृष्टिले जोडी बाँध्ने भएका छन् ।

सौगात अहिले मुस्ताङमा ‘कबड्डी ४’ को सुटिङमा व्यस्त छन् । कबड्डी सकिएपछि ‘रेड सुुटकेस’को छायांकन सुरु हुने जनाइएको छ । यो फिल्मको हालै काठमाडौंमा कार्यशाला पनि सकिएको छ ।