पूजालाई फकाउँदै पल र जितु (भिडिओ)

काठमाडौं । गायक हिमाल सागर र गायिका समिक्षा अधिकारीको स्वर, दीपकप्रसाद वलीको शब्द तथा अर्जुन पोखरेलको संगीतमा तयार भएको ‘मायाले मायाले’ बोेलको गीतको भिडिओे काठमाडौंमा एक कार्यक्रमको आयोेजना गर्दै सार्वजनिक गरिएको छ ।

यो गीतमा लाहुर गएको एक यूवा, उसको संझनामा बसेकी एक यूवती र यूवतीलाई मन पराउने एक पुरुषको कथा भन्छ ।

संगीतकार अर्जुन पोखरेलले यो गीतलाई लोक शैलीको डान्सर नम्बर भनेका छन् । यस्तै, यो गीतका गीतकार दीपक प्रसाद वलीले आफू आइसीयूमा रहेको समयमा यो गीत कोरेको बताए ।

भिडिओमा नायक पल शाह, नायिका पुजा शर्मा र कलाकार जितु नेपालको अभिनय छ । गीतमा तीनै कलाकारले बेजोड नृत्य गरेका छन् । विधान कार्कीले निर्देशन गरेको भिडिओ आकर्षक छ । गीतमा विकास दाहालको सम्पादन, उत्सव दाहालको छायांकन, गम्भिर बिष्टको कोरियोग्राफी, माधव शर्माको एसोसियट निर्देशन छ ।

निर्देशक विधान कार्कीले विभिन्न समस्याका बाबजुत पनि भिडिओ तयार भएको बताए । उनले अर्जुन पोखरेलको संगीतमा पुजा, पल र जितु नेपाललाई लिएपछि भिडियो उत्कृष्ट बनाउने चुनौती आफूमा रहेको र त्यसलाई केही हदसम्म पुरा गरेको सुनाए ।

कार्यक्रममा बोल्दै कलाकार जितु नेपालले आफूले म्युजिक भिडिओमा काम नगरेपनि गीत र भिडिओको कथा सुनेपछि काम गर्न उत्साहित भएको बताए । यस्तै, नायिका पुजा शर्माले एउटा राम्रो गीतमा राम्रो टिमसँग टिमअप गरेको सुनाइन् ।