सोसल मिडिया फिल्म अवार्डको आवेदन खुला

काठमाडौं । कोरोनाभाइरस महामारीले रोकिएको सोसल मिडिया फिल्म अवार्ड पुनः आयोजना हुने भएको छ ।

आयोजक संस्था ड्रीम अफ वल्र्ड फिल्म मेकर्स प्रालिले अवार्डस्का लागि फिल्मको आवेदन आह्वान गरेको छ । यसपटकको अवार्डमा गतवर्ष भन्दा पनि थप विधा समावेश गरिएको जारी विज्ञप्तिमा उल्लेख छ ।

२०७५ सालमा आयोजना गरिएको अवार्डको पहिलो संस्करण काठमाडौंमा आयोजना भएको थियो । परिस्थिती अनुकूल भएपछि अवार्ड पुनः आयोजना गर्न लागिएको अवार्डकी कार्यकारी अध्यक्ष सबनम मुखियाले बताइन् ।

अवार्ड मिति नतोकिएपनि चाँडै कार्यक्रम आयोजना हुने जनाइएको छ । संचारकर्मी, चलचित्रकर्मी, समाजसेवी र विभिन्न क्षेत्रका व्यक्तिलाई पुरस्कृत गरिने भएको छ ।

सोसल फिल्म अवार्डको अध्यक्षमा जानकी प्रधान श्रेष्ठ र कार्यक्रम अध्यक्ष सन्तोषी अधिकारी छिन् । इन्टरनेटका सामाजिक संजालमा पोस्ट हुने विभिन्न फिल्मको मूल्यांकनको आधारमा पुरस्कृत गरिने भएको छ ।