विमानस्थलमा पीसीआर परीक्षण शुल्क १२ सय लिन निर्देशन

काठमाडौं । त्रिभुवन अन्तर्राष्ट्रिय विमानस्थलमा प्रस्थान गर्ने यात्रुहरुका लागि पीसीआर परीक्षण शुल्क १२ सय रुपैयाँ लिन सरकारले निर्देशन दिएको छ । यसअघि दुई हजार लिने गरिएकोमा आजैको मितिदेखि लागू हुने गरी १२ सय रुपैयाँ लिन प्रयोगशालाई लिन निर्देशन दिइएको हो ।

विमानस्थल परिसरमा रहेका पीसीआर परीक्षणका प्रयोगशालाले जथाभावी शुल्क लिएको गुनासो आएपछि विमानस्थल संचालक विभागले आठवटा प्रयोगशालालाई पत्राचार गरेको हो ।

स्टार हस्पिटल, टिजी मेडिसिन डिप्टिवुटरस प्रालि, क्रिस्टल डाईग्नोष्टिक प्रालि, अल्फा हेल्थ केयर एन्ड मोलिकुलर जेनेटिक, कोरोना ट्रेडिङ कम्पनी, सिद्धि पोलिक्लिनिक र विध ल्याबलाई पत्राचार गर्दै पीसीआर शुल्क १२ सयभन्दा शुल्क नलिन निर्देशन दिएको छ। संस्कृति, पर्यटन तथा नागरिक उड्डयनमन्त्री र नेपाल नागरिक उड्ययन प्राधिकरणका महानिर्देशकले छड्के निरिक्षणपछि उक्त निर्देशन दिएका थिए ।