मिस युनिभर्स नेपाललाई स्वीडेनको कस्मेटिक ब्रान्ड ओरीफ्लेमले प्रायोजन गर्ने

काठमाडौं । स्वीडेनको अन्तर्राष्ट्रिय कस्मेटिक वितरण कम्पनी ओरीफ्लेमले मिस युनिभर्स नेपाल २०२१ को टाइटल स्पोन्सर गर्ने भएको छ । बिहीवार राजधानीमा आयोजित पत्रकार सम्मेलनमा यस्तो जानकारी दिइयो ।

शनिबार बेलुका राजधानीमा १६ जना सुन्दरीबीच मिस युनिभर्स नेपालको ताजका लागि प्रतिस्पर्धा हुँदैछ ।

जसमध्ये दर्शकको मत बढी पाउने दुईजना (पिपुल च्वाइस) र सोसल इम्प्याक्ट लिडरले सीधै अन्तिम दशमा प्रवेश पाउने भएका छन् । आइएमइ पे एपमा भोटिङ सुरु भएको छ ।

सोसल इम्प्याक्ट लिडर सबटाइटलको विजेता निर्णायकको ५० प्रतिशत र बाँकी भिडिओको उत्कृष्टताको आधारमा छानिने भएका छन् । शनिबार हुने फिनालीमा मिस युनिभर्स नेपालकी विजेता अनिस्का शर्माले नयाँ विजेतालाई तान लगाइदिनेछिन् ।

अहिले प्रतिस्पर्धाका १६ जना सेमिफाइनलिस्टले याक एन्ड यती होटलमा ग्रान्ड फिनालीको तयारी गरिरहेका छन् ।