ओसाका विश्व वरियताको १२ औं स्थानमा
नेपाल प्रेस
२०७८ असोज १९ गते १५:५०
काठमाडौं । जापानी टेनिस खेलाडी नाओमी ओसाकाको विश्व वरियतामा स्थान खस्किएको छ । पूर्व विश्व नं १ ओसाका अहिले वरियताको १२औं स्थानमा पुगेकी छन् । उनी सन् २०१८मा यूएस ओपन जितेदेखि पहिलो पटक शिर्ष १० बाट बाहिरिएकी हुन् ।
उनले आफ्नो मानसिक स्वास्थ्यको कारण देखाउँदै यो सिजनको फ्रन्च ओपन र विम्बलडनबाट नाम फिर्ता लिएकी थिइन् ।
गत सेप्टम्बरमा भएको यूएस ओपनमा लेला फर्नान्डेजसँग पराजित भएपछि उनले टेनिस बाट ब्रेक लिने बताएकी थिइन् ।
ग्रेट ब्रिटेनकी इम्मा राडुकानु ले फाइनलमा लेला लाई पराजित गर्दै यूएस ओपनको उपाधि जितेकी थिइन् । राडुकानु विश्व वरियताको २२ औं स्थानमा छिन् ।
चार पटककी ग्रान्डस्लाम विजेता ओसाकाले फेरि खेल्ने इच्छा जागेपछि चाँडै टेनिसमा फर्किने बताइन् ।
नेपाल प्रेस
प्रकाशित: २०७८ असोज १९ गते १५:५०
प्रतिक्रिया
सम्बन्धित खवर
