चिकित्सा शाष्त्रको नोबेल पुरस्कार घोषणा : तापक्रम र स्पर्शबीचको सम्बन्धबारे खोजी गर्ने वैज्ञानिकलाई दिइने

स्टकहोम । यसवर्षको चिकित्सा तथा मनोविज्ञानतर्फको नोबेल पुरस्कार घोषणा भएको छ । स्पर्श र तापक्रमको कारण कोषहरुमा आउने परिवर्तनबारेको खोजका लागि दुई वैज्ञानिकहरु डेभिड जुलियस र अर्डेम पाटापोर्टियमलाई संयुक्तरुपमा पुरस्कार दिइने भएको छ ।

उनीहरुले रोगहरु र पीडाको उपचारमा प्रकाशको प्रयोगबाट कसरी दुःखाईलाई घटाउन मद्दत गर्छ भन्ने खोजी गरेका थिए ।

‘हामी वरिपरी रहेको विश्वलाई महसुस र अन्तक्रिया गर्न तथा बाँच्नको लागि हामीले तातो र चिसोलाई गर्न सक्ने स्पर्शको क्षमताबारे खोज गरेबापत यो पुरस्कार घोषणा गरेका छौं’ नोबेल कमिटीद्वारा जारी विज्ञप्तिमा उल्लेख छ ।

‘हाम्रो दैनिक जीवनमा हामीले कसरी यो महसुस गर्ने शक्तिलाई नाफाको रुपमा लिने गरेका छौं तर, हाम्रा कोषिकाहरुले तापक्रम र यसको दबाबलाई कसरी ग्रहण गर्छन् भन्ने जान्नु महत्वपूर्ण छ’ नोबेल कमिटीले भनेको छ ।

साथै, नोबेल कमिटीले यी दुई बैज्ञानिकले हाम्रा कोषिकहरुले तातो र चिसोजस्ता कुरालाई कसरी महसुस गर्छन् भन्ने अभूतपूर्व अध्ययन गरेको उल्लेख गरेको छ । साथै उनीहरुले वातावरण र स्पर्श महसुस गर्ने शक्तिबीचको सम्बन्धबारे थुप्रै आलोचनात्मक अध्ययन समेत गरेका छन् ।