अमेरिकामा कोरोना संक्रमणबाट मृत्यु हुनेको संख्या ७ लाख नाघ्यो

न्यूयोर्क । कोरोनाभाइरस संक्रमणबाट अमेरिकामा ज्यान गुमाउनेको संख्या ७ लाख नाघेको छ । जोन हप्किन्स युनिभर्सिटीका अनुसार शनिबार बिहानसम्मको तथ्यांकअनुसार भाइरसबाट मृत्यु हुनेको संख्या ७ लाख २ सय ५८ पुगेको हो ।

आज बिहानसम्म अमेरिकामा संक्रमितको संख्या ४ करोड ३६ लाखभन्दा नाघेको छ ।

पछिल्लो २८ दिनमा मात्रै त्यहाँ कोरोनाबाट ५१ हजार ६ सय ८३ जनाको मृत्यु भएको छ । त्यस्तै पछिल्लो २८ दिनमा अमेरिकामा ३७ लाख ६० हजारभन्दा बढी संक्रमित थपिएका छन् ।

शनिबार बिहानसम्म विश्वमा भाइरस संक्रमणबाट मृत्यु हुनेको संख्या ४७ लाख ९० हजार नाघेको छ । त्यस्तै भाइरसबाट संक्रमित हुनेको संख्या २३ करोड ४२ लाखभन्दा बढी छ । विश्वभर कोरोना भाइरसविरुद्ध ६ अर्ब २६ करोडभन्दा बढी मात्रा खोप लगाइएको छ ।