ज्येष्ठ नागरिकको स्वास्थ्य सम्मेलन आजदेखि काठमाडौंमा सुरु

काठमाडौं । ज्येष्ठ नागरिकको स्वास्थ्य सम्बन्धी राष्ट्रिय सम्मेलन काठमाडौंमा आजदेखि शुरु भएको छ। विश्व स्वास्थ्य संगठन नेपाल कार्यालयले उक्त कार्यक्रमको आयोजना गरेको हो ।

यस सम्मेलनमा वृद्धवृद्धाहरुको स्वास्थ्य अवस्थाबारे छलफल हुने भएको छ । सम्मेलन ज्येष्ठ नागरिकको स्वास्थ्य अवस्था सुदृढ बनाउनको लागि सुरु गरिएको हो डब्लूएचओ ले जनाएको छ ।

साथै यो सम्मेलनको उद्देश्य नेपालमा वृद्दवृद्दाहरुको जनसांख्यीक परिवर्तनको बारेमा जनचेतना जगाउनु समेत रहेको जनाइएको छ ।

साथै स्वास्थ्यमा नीति निर्माताहरुको संलग्नता गराउने, पुनर्वास र वृद्धहरुको सामाजिक हेरचाह आवश्यकतामा नीति निर्माताहरुको संलग्नता गराउने, शहरहरुमा बढ्दो आर्थिक अवसरहरुको सन्दर्भमा परिवारबीच वृद्दवृद्दाहरुको भूमिका कसरी परिवर्तन भएको छ भन्नेबारे र यससंग सम्बन्धित अन्तर र चुनौतिहरुको पहिचान गर्नु सम्मेलनको मुख्य उद्देश्य रहेको जनाइएको छ ।