कोशी नामकरणबाट माओवादी ब्याक, पहिचानकै पक्षमा उभिने निर्णय (भिडिओ)

काठमाडौं । नेकपा माओवादी केन्द्रले कोशी नामकरणको विषयमा आफ्नो निर्णयबाट पछि हटेको छ । प्रदेशसभामा कोशीको पक्षमा भोट हालेको माओवादीको पदाधिकारी बैठकले पहिचानकै पक्षमा उभिने निर्णय गरेको हो ।

कोशीमा माओवादीका १३ सांसद छन् । माओवादीबाटै एकजना सभामुख भएकाले बाँकी १२ जनाले कोशीको पक्षमा मतदान गरेका थिए ।

पार्टी कार्यालय पेरिसडाँडामा बसेको पदाधिकारी बैठकपछि प्रवक्ता कृष्णबहादुर महराले भने, ‘कोशी प्रदेश नामाकरण भएपछि अहिले आन्दोलन उठिरहेको छ । हाम्रो पार्टीप्रति के हो अडान ? भनेर प्रश्न उठिरहेको छ । त्यसमा हाम्रो पार्टी पहिचानको पक्षमा छ । त्यतिबेला पनि पहिचानकै पक्षमा अडान राख्नुपर्थ्यो कमजोरी भएको छ ।’

नामाकरणपछि पहिचानको आन्दोलनको क्रममा भएको मृत्तक भएकाहरूलाई सहिद घोषणा गर्न र राहतको लागि सरकारसँग माग गरेको छ । यस्तै, मिटरव्याजपीडितको आन्दोलनमा पार्टीको समर्थन रहेको उनले जानकारी दिए ।