रास्वपा केन्द्रीय समिति र संसदीय दलको संयुक्त बैठक बस्दै
नेपाल प्रेस
२०७९ चैत ५ गते १०:४१
काठमाडौं । राष्ट्रिय स्वतन्त्र पार्टीले केन्द्रीय समिति र संसदीय दलको संयुक्त बैठक बोलाएको छ ।
बैठक विहान ११ बजे पार्टी कार्यालय बसुन्धारामा बस्ने छ ।
बैठकमा समसामयिक राजनीतिक परिस्थिति र प्रधानमन्त्रीलाई विश्वासको मत दिने नदिने विषयमा छलफल हुने बताइएको छ ।
प्रधानमन्त्री पुष्पकमल दाहाल प्रचण्डले चैत ६ गते विश्वासको मत लिने तयारी गरेका छन् ।
रास्वपाले यसअघि विश्वासको मत दिएर सरकारमा सहभागिता जनाएको थियो । तर नागरिकता प्रकरणपछि रवि लामिछानेको मन्त्री पद गएको थियो । त्यसपछि पार्टी सरकारबाट बाहिरिएको थियो । यद्यपि समर्थन भने कायमै रहेको छ ।
नेपाल प्रेस
प्रकाशित: २०७९ चैत ५ गते १०:४१
प्रतिक्रिया
सम्बन्धित खवर
