राप्रपाको युवा संगठनको संयोजकमा सुजित केसी चयन

काठमाडौं । राप्रपा निकट राष्ट्रिय प्रजातान्त्रिक युवा संगठनको केन्द्रीय संयोजकमा सुजित केसीलाई सर्वसम्मत चयन गरिएको छ ।

काठमाडौंमा फागुन १३ र १४ गते आयोजित संगठनको राष्ट्रिय भेलाले महाधिवेशन आयोजक समितिको केन्द्रीय संयोजकको रूपमा काठमाडौंका केसीलाई चयन गरेको हो । संगठनको महाधिवेशन सम्पन्न गर्ने गरी अधिवक्ता समेत रहेका केसीलाई नेतृत्वको रूपमा चयन गरिएको बताइन्छ ।

संगठनको केन्द्रीय पदाधिकारीमा रहेर केसीले ९ वर्ष काम गरिसकेका छन् । केसीले राजनीति शास्त्र, कानून तथा समाज शास्त्रमा स्नातकोत्तर अध्यनरत गरिसकेका छन् भने अन्तर्राष्ट्रिय सम्बन्ध तथा कुटनैतिक विषयमा विद्यावारिधि अध्यनरत छन् ।