माओवादी र जसपा शीर्ष नेताहरुबीच सिंहदबारमा छलफल

काठमाडौं । नेकपा माओवादी केन्द्र र जनता समाजवादी पार्टी (जसपा)का शीर्ष नेताहरुबीच भेटवार्ता भएको छ । चुनावअघिको पाँच दलीय गठबन्धन ब्यूँताउने गृहकार्य भइरहेको बेलामा माओवादी केन्द्रको संसदीय दलको कार्यालयमा दुई पार्टीका शीर्ष नेताहरुबीच छलफल भएको हो ।

छलफलमा माओवादी केन्द्रका अध्यक्ष तथा प्रधानमन्त्री पुष्पकमल दाहाल प्रचण्ड, वरिष्ठ उपाध्यक्ष नारायणकाजी श्रेष्ठ सहभागी थिए भने जसपाका अध्यक्ष उपेन्द्र यादव र नेता राजेन्द्र श्रेष्ठ सहभागी थिए ।

दुई दलका शीर्ष नेताहरुबीच राष्ट्रपति निर्वाचन र आगामी कदमको बिषयमा छलफल भएको बुझिएको छ । यसअघि प्रचण्डले नेकपा एकीकृत समाजवादीका अध्यक्ष माधव नेपालसँग छलफल गरेको थिए । जसपाले पाँच दलीय गठबन्धन ब्यूँताउन र राष्ट्रपति निर्वाचनमा सहयोग गर्न उपराष्ट्रपति दिनुपर्ने अडान लिएको छ ।