सन्दीपको हौसला बढाउन त्रिवि क्रिकेट मैदानमा बुबाआमा
नेपाल प्रेस
२०७९ फागुन ५ गते १३:१२
काठमाडौं । विश्वकप लिग-२ अन्तर्गत नेपालमा भइरहेको त्रिदेशीय एकदिवसीय अन्तर्राष्ट्रिय श्रृंखलामा घरेलु टोलीले खेलेका खेलमा सन्दीप लामिछानेका बुबाआमा नै त्रिवि क्रिकेट मैदानको दर्शक दीर्घामा देखिएका छन् ।
उनीहरु दुवै जना शुक्रबार नेपालले स्कटल्यान्डसँग खेलिरहेको खेल हेर्न मैदान पुगेका छन् । यसअघि तीन दिनअघि नामिबियासँग नेपालले खेलेको खेल हेर्न पनि सन्दीपका बुबाआमा मैदान पुगेका थिए ।
सन्दीपलाई राष्ट्रिय टोलीमा राखेको विषयमा एउटा समूहले विरोध गरिरहेका बेला उनका बुबाआमा दर्शक दीर्घामा बसेर छोराको हौसला बढाइरहेका छन् । सन्दीपविरुद्ध बलात्कारको आरोप लागेपछि उनका बुबाआमा चितवनबाट काठमाडौं आएका छन् ।
पाटन उच्च अदालतले धरौटीमा छाड्ने आदेश गरेपछि यतिवेला सन्दीप बुबाआमासँग बसिरहेका छन् । यसअघि न्दिीप काठमाडौंमा एक्लै बस्दै आएका थिए ।
सन्दीपले नामिबिया र स्कटल्यान्डविरुद्धको दुइटै खेलमा ३–३ विकेट लिएका छन् ।
टीयू मैदानमा दर्शकले पनि सन्दीपको नाम लेखिएको टीसर्ट तथा प्लेकार्ड बोकेर नेपाली टीमको समर्थन गरेका छन् ।
तस्बिरहरू : उमेश कार्की ।
नेपाल प्रेस
प्रकाशित: २०७९ फागुन ५ गते १३:१२
प्रतिक्रिया
सम्बन्धित खवर
