प्रधानमन्त्रीलाई वेदुरामको आग्रह- जनताको नजिक सरकार पुगेको देखाउन पहल गर्नुपर्यो
नेपाल प्रेस
२०७९ माघ १० गते १५:०३
काठमाडौं । राष्ट्रियसभा सदस्य वेदुराम भुसालले संघीयताको आवश्यकता छैन भन्दै भइरहेका प्रचारहरुलाई असत्य सावित गर्न प्रधानमन्त्रीले भूमिका खेल्नुपर्ने बताएका छन् ।
मंगलबार राष्ट्रियसभा बैठकमा बोल्दै उनले प्रदेशसभाले काम गर्न नसकेका कारण संघीयताको आवश्यकता छैन भन्ने प्रचार भइरहेकाले त्यस्ता प्रचारहरुलाई असत्य सावित गर्न प्रधानमन्त्रीको पहल आवश्यक रहेको बताए ।
‘संघीयताको माध्यमबाट जनताको नजिक सरकारलाई पुर्याउने काम गरेका थियौँ, त्यसलाई पूर्णता दिनका लागि साँचो जनताको नजिक सरकार पुगेको छ भन्ने देखाउनका निम्ति प्रधानमन्त्रीले पहल गर्नुहुनेछ भन्ने अनुरोध गर्दछु’, उनले भने ।
मंगलबारको राष्ट्रियसभा बैठकमा प्रधानमन्त्रीले सम्बोधन गर्ने कार्यक्रम छ ।
नेपाल प्रेस
प्रकाशित: २०७९ माघ १० गते १५:०३
प्रतिक्रिया
सम्बन्धित खवर
