प्रधानमन्त्रीले भने- सामन्ती एकात्मकताको हस्तक्षेपविरुद्धको लडाइँ अझै जारी छ

काठमाडौं । प्रधानमन्त्री पुष्पकमल दाहाल प्रचण्डले समानुपातिक र समावेशीसहितको नयाँ संविधानअनुसार अघि बढेको बताएका छन् ।

राष्ट्रिय सोनाम ल्होछार समारोहको अवसरमा काठमाडौं टुँडिखेलमा आयोजित कार्यक्रमलाई सम्बोधन गर्दै नयाँ संविधानअनुसार नयाँ राष्ट्रिय एकताको प्रक्रियामा रहेको बताए ।

उनले भने, ‘नयाँ राष्ट्रिय संस्कृतिलाई प्रवद्धन गर्ने हामी सबैले जमर्को गरेका छौं। यो राष्ट्रिय संस्कृतिमाथि विभिन्न ढंगले विगतमा समान्ति एकात्मक, अधिनायकवादी शासनबाट नेपालभित्रै भएका जातजाति भाषा संस्कृतिमाथि दमन गर्ने प्रक्रिया चल्यो भने अहिले आजभोलि विदेशी संस्कृतिको प्रभुत्व, हस्तक्षेप र प्रभावद्वारा नेपालको राष्ट्रिय संस्कृतिलाई जर्गेना हुुन नदिने चेष्टा भइराखेको छ ।’

उनले सामन्ती एकात्मक र उसको हस्तक्षेपविरुद्धको लडाईं अझै भएको बताए। वैदेशिक सांस्कृतिक हस्तक्षेपका कारणले पनि नयाँ परिस्थितीमा रहेको उल्लेख गरे ।