हट्यो नगद मार्जिनको व्यवस्था

काठमाडौं । आयातमा अनिवार्य नगद मार्जिनको व्यवस्था हटेको छ । बिहीबार एकीकृत परिपत्र जारी गर्दै केन्दीय बैंकले सबै प्रकारको नगद मार्जिनको व्यवस्था हटाएको जनाएको छ । अब आयातका लागि व्यवसायीले कुनै पनि प्रकारको नगद मार्जिन राख्नु पर्ने छैन ।

केन्द्रीय बैंकले विदेशी विनिमय सञ्चिति चाप परेपछि आयातलाई कडाइ गर्दै नगद मार्जिनको व्यवस्था गरेको थियो । एक वर्षदेखि आयातको प्रतिपत्र (एलसी) मा ५० देखि शत प्रतिशतसम्म नगद मार्जिनको व्यवस्था गरेको थियो ।

राष्ट्र बैंकले दुई पटकमा ४८ समूहका हार्मोनी कोडका वस्तुको आयातका लागि एलसीमा नगद मार्जिनको व्यवस्था गरेको थियो ।