जुर्मुराए जनार्दन, संगठन निर्माण गर्न थाले सुझाव संकलन
काठमाडौं । नेकपा माओवादी केन्द्रको संगठन विभागको आयोजनाको बैठक जारी छ ।
पार्टी कार्यालय पेरिसडाँडामा पार्टी निर्माणका लागि जनवर्गीय संगठनहरुको भूमिकाबारे छलफल गर्न बैठक बसेको पोलिटव्युरो सदस्य रामप्रसाद सापकोटा दीपशिखाले बताए ।
बैठकमा नेताहरुले पार्टी संगठन निर्माणको बारेमा सुझाव संकलन गरिरहेको बताए । बैठकमा उपमहासचिव जनार्दन शर्मा, सचिव लीलामणि पोखरेल, दिनानाथ शर्मालगायका नेताहरु सहभागी छन् ।
यसअघि अर्थमन्त्री रहेका शर्मा सरकारबाट बाहिरिएपछि पार्टी निर्माणमा लागेका हुन् । उनी सरकारमा हुँदा पार्टीको गतिविधिमा कम सक्रिय थिए ।
अहिले पार्टी अध्यक्ष र वरिष्ठ उपाध्यक्ष दुवै सरकारमा गएपछि शर्माले पार्टीको गतिविधि बढाएका हुन् । शर्मासँग अर्का उपमहासचिव वर्षमान पुन पनि सरकारमा नगएर पार्टीलाई अगाडि बढाउने पक्षमा छन् ।