माओवादी र एमालेबीच आलोपालोको सहमतिपछि कर्णालीमा सत्ताको गाँठो फुक्यो
२०७९ पुष २७ गते १५:५३
सुर्खेत । कर्णाली प्रदेशमा नेकपा माओवादी र नेकपा एमालेबीच आलोपालोको सहमति भएको छ । यसअघि सातदलीय गठबन्धनमा कर्णाली सरकारको नेतृत्व गर्न एकलौटी माओवादीलाई दिने सहमति भएको थियो । मुख्यमन्त्रीमा दाबी पेश गर्नु साढे एक घण्टामात्रै बाँकी छँदा नेकपा माओवादी र नेकपा एमालेबीच सहमति भएको हो ।
अब कर्णालीमा सुरूमा माओवादी संसदीय दलका नेता राजकुमार शर्मा साढे दुई र त्यसपछिको अर्को चरणमा एमाले संसदीय दलका नेता यामलाल कँडेलले नेतृत्व गर्नेछन् ।
माओवादी कर्णालीका प्रदेश इन्चार्ज कालीबहादुर मल्लले नेपाल प्रेससँग भने, ‘यहाँको सापेक्षतालाई लिएर हामीले सहमति गर्यौं । अब प्रदेश प्रमुखसमक्ष दाबी लिएर जाँदैछौं ।’
आजै प्रदेश प्रमुखसामु शर्माले मुख्यमन्त्रीको दाबी पेश गर्नेछन् ।
प्रकाशित: २०७९ पुष २७ गते १५:५३
प्रतिक्रिया
सम्बन्धित खवर
