बुथ कब्जा भएका चापाकोटका वडाबाट धनराजको अग्रता बढ्यो, पाए ९५ प्रतिशत मत
काठमाडौं । स्याङजा क्षेत्र नम्बर २ मा मतगणनाको प्रारम्भिक चरणदेखि नै अग्रता लिइरहेका कांग्रेस उपसभापति धनराज गुरुङले चापाकोट नगरपालिकाका बुथ कब्जा भएका वडाबाट ९५ प्रतिशत मत पाएपछि एमालेकी पद्मा अर्याललाई करिब ५ हजार मतले पछि पारेका छन् ।
चापाकोट नगरपालिका वडा नम्बर ३,४ र ५ मा कांग्रेसले बुथ कब्जा गरेर एकलौटी मतदान गरेको भन्दै एमालेले पुनः मतदानको माग गरेका थियो । तर आयोगले गणना गर्न आदेश दिएको थियो ।
बुथ कब्जा भएको ३ नम्बर वडामा गुरुङ र प्रदेशका कांग्रेस उम्मेदवार महेश भट्टराईले बराबरी १४२६ मत पाएका छन् भने एमालेका पद्मा अर्याल र प्रदेशका उम्मेदवार बुद्धिमान श्रेष्ठले पनि बराबर १०३ मत पाएका छन् ।
त्यस्तै ४ नम्बर वडामा पनि गुरुङले १३७९ मत पाउँदा अर्यालले १८८ मात्र पाएकी छन् ।
प्रदेशमा कांग्रेसका भट्टराईले १२४० र एमालेका श्रेष्ठले ३५९ मत पाएका छन् । चापाकोट बुद्धिमानकै नगरपालिका भएकाले कांग्रेसकै कतिपय कार्यकर्ताले एकलौटी मतदान गर्ने क्रममा केही मत श्रेष्ठलाई पनि दिएको पाइएको छ ।
चापाकोटका बुथ कब्जा भएका दुई वडाको मतगणना सकिँदा धनराज गुरुङ २७ हजार ३२ मतसहित अग्रस्थानमा छन् भने अर्यालले २२ हजार ४०१ र घण्टीका टिकराज गुरुङले ७ हजार ६६२ मत पाएका छन् ।
त्यस्तै प्रदेश सभा २ मा कांग्रेसका महेश भट्टराईको १४ हजार ७१४ मत छ भने एमालेका बुद्धिमान श्रेष्ठले १२ हजार ४७९ मत पाएका छन् । अहिले चापाकोटका अरू वडाको मतगणना भइरहेको छ ।
२०७४ मा शेरबहादुरले टिकट नदिएको रातो पासपोर्ट काण्ड हो भन्ने कुरा थाहा थियो त्यो अपराध अहिले जनमतको पुरै बेवास्ता गरि बरबर युगको झल्को पो देखाए लोकतन्त्रको उपहास ।
२०७४ मा शेरबहादुरले टिकट नदिएको रातो पासपोर्ट काण्ड हो भन्ने कुरा थाहा थियो त्यो अपराध अहिले जनमतको पुरै बेवास्ता गरि जंगली बरबर युगको झल्को पो देखाए धनराज गुरूङले लोकतन्त्रको उपहास ।