इलाममा सुवास नेम्वाङ र झलनाथ दुवै पछाडि
नेपाल प्रेस
२०७९ मंसिर ५ गते १८:२०
विराटनगर । इलामका हेवीवेट नेताहरु सुवास नेम्वाङ र झलनाथ खनाल प्रारम्भिक मतगणनामा पछि परेका छन् । इलाम क्षेत्र नम्बर १ बाट प्रतिनीधि सभा सदस्य पदमा उम्मेदवार बनेका झलनाथ खनाल एमालेका महेश बस्नेत भन्दा पछाडि छन् ।
एमाले छाडेर एकीकृत समाजवादीबाट उम्मेदवार बनेका झलनाथले १०४१ मत ल्याँउदा एमालेका महेश १२५८ मत पाएका छन् । खनाल सो क्षेत्रबाट लगातार जित्दै आएका नेता हुन् ।
इलाम क्षेत्र नम्बर २ मा नेपाली कांग्रेसका उम्मेदवार डम्बर खड्काले सुवास नेम्वाङविरुद्ध अग्रता कायम राखेका छन् । ६७० मत गणना हुँदा उनले ३४२ मत प्राप्त गरेका छन् । नेकपा एमालेका उम्मेदवार नेम्वाङले २ सय ७६ मत पाएका छन् ।
राष्ट्रिय प्रजातन्त्र पार्टीका उम्मेदवार गणेश प्रसाद दुलालले ४ मत पाउँदा जनता समाजवादी पार्टीका उम्मेदवार याम प्रसाद लिम्बुले ३ मत पाएका छन् ।
नेपाल प्रेस
प्रकाशित: २०७९ मंसिर ५ गते १८:२०
प्रतिक्रिया
सम्बन्धित खवर
