प्रचण्डको टिप्पणी : पुरानो पुस्तालाई सरापेर युवाहरूको नेतृत्व विकास हुँदैन

काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्डले आगामी निर्वाचन प्रतिगमनलाई परास्त गर्ने महत्वपूर्ण अवसर आएको बताएका छन् ।

कोटेश्वरमा आयोजित गठबन्धनको अन्तिम चुनावी सभालाई सम्बोधन गर्दै उनले अन्तिम न्यायाधीश जनता नै भएको बताए ।
जनता र गठबन्धनको सबै तागत आर्थिक समृद्धितर्फ जाने बताए । आफू र गिरिजाप्रसाद कोइरालाले शान्ति सम्झौतामा हस्ताक्षर गरेपछि मात्रै देशमा युगान्तकारी परिवर्तन भएको बताए ।

उनले भने, ‘अहिले राजवादी, सामन्ती र निरंकुशतावादीहरु परिवर्तनको महत्वलाई कटाउने कसरतमा छन् । जनताले यो चुनावबाट परिवर्तनलाई स्थापित गराउने अवसरको रुपमा लिनुपर्छ ।’

उनले पुरानो पुस्तालाई सरापेर राम्रो नयाँ पुस्ताको विकास नहुने टिप्पणी गरे । उनले भने, ‘आफूलाई राजनीतिक रुपमा जन्म दिने अभिभावकलाई गाली गरेर युवाहरुको नेतृत्व विकास हुन सक्दैन ।’