एमालेलाई समर्थन गर्दै नेकपा एसका तनहुँ सचिव श्रेष्ठले गरे आफ्नाे उम्मेदवारी निष्क्रिय
नेपाल प्रेस
२०७९ कार्तिक १४ गते १७:४०
काठमाडौं । नेकपा एकीकृत समाजवादीका तनहुँ सचिव दुर्गाकुमार श्रेष्ठले जिल्लामा गठबन्धनको भागबन्डा गर्दा पार्टीले एक सीट पनि नपाएपछि असन्तुष्टि जनाउँदै एमालेलाई समर्थन गरेकाे घाेषणा गरेका छन् ।
उनले तनहुँ २ (१) मा गठबन्धनविरुद्ध बागी उम्मेदवारीसमेत दिएका थिए । आफ्नो उम्मेदवारी निष्क्रिय बनाएर श्रेष्ठले एमालेका उम्मेदवारलाई समर्थन गरेका छन् ।
उनले प्रतिनिधिसभामा एमालेका उम्मेदवार किरण गुरुङ र प्रदेशसभा १ मा एमालेकै श्यामराज महतलाई जिताउन आह्वान गर्दै आफ्नो उम्मेदवारी अब नरहेको प्रस्ट पारेका छन् ।
उनले कम्युनिष्टहरु कांग्रेसको पिछलग्गू भएर हिँड्नुपर्ने कुनै कारण नभएको बताएका छन् ।
गठबन्धनको नाममा कम्युनिष्ट आन्दोलन लथालिङ्ग पारेको आरोप लगाउँदै उनले एमालेलाई समर्थन गरेको बताएका छन् ।
नेपाल प्रेस
प्रकाशित: २०७९ कार्तिक १४ गते १७:४०
प्रतिक्रिया
सम्बन्धित खवर
