प्रत्येक नागरिकको स्वास्थ्य प्रोफाइल तयार गर्ने राप्रपाको घोषणा

काठमाडौं । राप्रपाले सुत्केरीलाई तीन महिनासम्म तीन हजार भत्ता उपलब्ध गराउने प्रतिबद्धता जाहेर गरेको छ । आगामी निर्वाचनको लागि अध्यक्ष राजेन्द्र लिङ्देनले घोषणापत्र सार्वजनिक गर्दै आधारभूत स्वास्थ्य सेवा सबै नागरिकलाई निःशुल्क गर्ने घोषणा गरेको हो ।

काठमाडौंको वीर अस्पतालस्तरको अस्पताल सातै प्रदेशमा स्थापना गर्ने, सबै नागरिकलाई स्वास्थ्य बीमाको पहुँचमा ल्याउने, वडा स्वास्थ्य केन्द्रमार्फत प्रत्येक नागरिकको स्वास्थ्य प्रोफाइल तयार पार्ने घोषणापत्रमा उल्लेख छ ।

ज्येष्ठ नागरिक र अशक्तलाई घरदैलोमै स्वास्थ्य सेवा, किशोरीलाई पाठेघर क्यान्सरविरुद्धको खोपलगायतको योजना अघि सारेको छ ।