गठबन्धनलाई जिताउन देउवा, प्रचण्ड र माधवको संयुक्त अपिल, जनमोर्चा र लोसपाले गरेनन् हस्ताक्षर (पूर्णपाठ)
काठमाडौं । सत्तारुढ गठबन्धनले संयुक्त अपिलमार्फत् भोट मागेको छ । नेपाली कांग्रेसका सभापति शेरबहादुर देउवा, नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ र नेकपा एकीकृत समाजवादीका अध्यक्ष माधवकुमार नेपालले संयुक्त हस्ताक्षर गरेर भोट मागेका हुन् । गठबन्धनमा रहेका लोसपा र राष्ट्रिय जनमोर्चाले भने प्रतिबद्धता पत्रमा हस्ताक्षर गरेका छैनन् ।
अपिलमा भनिएको छ, ‘गठबन्धन दलहरूले लिएको उद्देश्य र लक्ष्यप्रति आम नेपाली जनताको समर्थन र सहयोग रहँदै आएको कुरा यहाँ महत्वकासाथ स्मरण गर्नु आवश्यकता छ । राष्ट्र, राष्ट्रियता र लोकतन्त्रलाई सुदृढ र संस्थागत गर्ने गहन राष्ट्रिय आवश्यकतालाई आत्मसात् गदै जनताको संघर्ष र बलिदानको परिणामस्वरुप स्थापना भएको संघीय लोकतान्त्रिक गणतन्त्रलाई संस्थागत गर्ने मूल दस्तावेजमाथि अधिनायकवादी आक्रमणको खतरा जीवितै रहेको परिस्थितिमा संविधानमाथिको प्रतिगमनको खतरा रहेसम्म गठबन्धनको औचित्य कायमै रहनेछ ।’
तीन शीर्ष नेताले लोकतन्त्र, संविधान र विधिको शासनमार्फत् सुशासन र समृद्धिको राष्ट्रिय अभिलाषा परिपूर्ति गर्नका लागि गठबन्धनको आवश्यकता भएको दाबीसहित गठबन्धनलाई अत्यधिक बहुमतका साथ विजयी गराउन आह्वान गरेका छन् ।
तीनदलीय हो कि कति दलीय हो गठबन्धन ? तीनदलीय ठगबनधन । बाँकी पनि जोडदा चाहिँ के हुने ?
चुनावसम्मत त छुट्टाछुट्टै पार्टीको छुट्टाछुट्टा नै अपील आउन के बेर ? धन्य थगबन्धन परमादेशि सरकार !
विगत करिव डेढ वर्षको गठबन्धनको सरकार हेर्दा हामीले गठबन्धनलाई किन मत दिने ? १) नेपाललाई भारतको गुलाम बनाउन सघाउनेलाई भोट दिने ? २) समावेशी र समानुपातिकका नाममा श्रीमती र छोरीहरूको हित हेर्नेहरूलाई भोट दिने ? ३) देशमा विकास अवरूद्व पार्नेलाई भोट दिने ? ४) भ्रष्टाचार र लुटतन्त्रका नाईकेहरूलाई भोट दिने ? ५) विदेश नीति भनेको चीनको विरोध गर्नु मात्र हो भनेर बुझेकालाई भोट दिने ? ६) संघ र प्रदेशमा पालैपालो सबैलाई मन्त्री बनाउनलेलाई भोट दिने ? जवाफ छ ठगबन्धनका एजेण्टहरूसँग ?
गठबन्धनको साझा लक्ष्य र उद्देश्य लिपुलेक र लिम्पियाधुरा भारतलाई नै छाड्ने रहेछ । त्यो भुभाग नेपालले फिर्ता ल्याउने छ भन्ने साझा नीतिमा देखिएन ।
गठबन्धन बनईदिएकै भारतले हौ।