एएफसी यू-१७ एसिया कप छनोट: नेपालको गोल तर मध्यान्तरसम्म चाइनिज ताइपेई अगाडि
नेपाल प्रेस
२०७९ असोज २३ गते १५:५४
काठमाडौं । एएफसी यू-१७ एसिया कप छनोटअन्तर्गत आफ्नो अन्तिम खेलमा नेपाल अहिले चाइनिज ताइपेईसँग खेलिरहेको छ ।
पहिलो हाफको समाप्तिमा चाइनिज ताइपेई २-१ गोलले अगाडि छ । समूहका अघिल्ला दुवै खेलमा पराजित भएर नेपालको यात्रा छनोट चरणमै सीमित हुने पक्का भएको थियो ।
पहिलो खेलमा थाइल्यान्डले ३-० गोलले हराएको थियो भने दोस्रो खेलमा नेपाल भियतनामसँग ५-० गोलले पराजित भएको थियो ।
प्रतियोगितामा चाइनिज ताइपेईले पनि अघिल्ला दुवै खेलमा हार व्यहोरेको थियो । छनोट चरणमा रहेका १० समूहका विजेता र सर्वोत्कृष्ट ६ उपविजेता गरी १६ टोलीले फाइनल चरणमा प्रतिस्पर्धा गर्नेछन् ।
नेपाल प्रेस
प्रकाशित: २०७९ असोज २३ गते १५:५४
प्रतिक्रिया
सम्बन्धित खवर
