डिस्चार्ज भइन् नीता ढुंगाना

काठमाडौं । ‘एपेन्डीसाइट’ को सफल अप्रेशन पश्चात् नायिका नीता ढुंगाना अस्पतालबाट डिस्चार्ज भएकी छन् ।

आइतबार अचानक बिरामी परेर अस्पताल पुगेकी नितालाई ‘एपेन्डीसाइट’ भएको पुष्टि भएपछि ललितपुरस्थित मेडिसिटी अस्पतालमा भर्ना भएकी थिइन् । अप्रेसनपछि मंगलबार उनी अस्पतालबाट डिस्चार्ज भएकी हुन् ।

केही दिन अगाडि मात्र विवाह बन्धनमा बाँधिएकी निता आइतबार लाजिम्पाटमा रहेको म्यूम ब्यूटी पार्लरको उद्घाटनमा जाँदै थिइन् । बाटोमै अचानक पेट दुख्न थालेपछि उनलाई अस्पताल लगिएको थियो ।

अप्रेसनपछि नीताका श्रीमान हरिहर अधिकारीले आफ्नो सामाजिक सञ्जालमार्फत संलग्न डाक्टर र अस्पताललाई धन्यवाद दिँदै निता डिस्चार्ज भएको जानकारी दिएका हुन् ।