पेट्रोलियम ढुवानी व्यवसायीले भोलिदेखि आन्दोलन गर्ने
नेपाल प्रेस
२०७९ साउन १५ गते १६:४०
काठमाडौं । नेपाल पेट्रोलियम ढुवानी व्यवसायी महासंघले सोमबारदेखि आन्दोलन गर्ने भएको छ । देशभरका पेट्रोलियम ढुवानी व्यवसायीले भाडा समायोजनको माग राख्दै आन्दोलन घोषणा गरेका हुन् ।
महासंघको साउन ६ गते बसेको बैठकले १५ गतेसम्म ढुवानी भाडा वृद्धि गर्न माग गरेको थियो । तर, आजसम्म माग पूरा नभएपछि भोलिदेखि हवाई इन्धन ढुवानी गर्ने ट्यांकरले देशभर पीडीओ नलिने र लोड नगर्ने भएका छन् ।
त्यस्तै २० गतेबाट राज्यभरका सम्पूर्ण पेट्रोलियम ढुवानी ट्यांकरले पीडीओ नलिने र लोड गर्नेछैन् । २१ गतेबाट सबै ट्यांकरले लोड र अनलोड नगर्ने महासंघले निर्णय गरेको छ ।
नेपाल प्रेस
प्रकाशित: २०७९ साउन १५ गते १६:४०
प्रतिक्रिया
सम्बन्धित खवर
