विवाह गरेको ६ वर्षपछि विपाशा बासु आमा बन्दै

काठमाडौं । ग्ल्यामरस नायिका विपाशा बासु र अभिनेता करणसिंह ग्रोबरले आफ्नो पहिलो सन्तानलाई जन्म दिने भएका छन् ।

उनीहरूले आफैँ यो खबर सार्वजनिक नगरे पनि दम्पतीसँग नजिकको अनलाइन पोर्टलहरूमार्फत उनीहरू छिट्टै आमाबुवा बन्न लागेको खबर साझा भएको हो । भारतीय मिडियाहरूका अनुसार विपाशा र करण छिट्टै आधिकारिक रूपमा आफ्नो गुड न्यूज घोषणा गर्न र आमाबुवा बन्न उत्साहित छन् ।

सन २०१५ मा विपाशा र करण चलचित्र ‘अलोन’ को सुटिङको दौरानमा एक अर्काको प्रेममा परेका थिए। सोपश्चात् यो जोडीको अन–स्क्रिन केमेस्ट्री अफ–स्क्रिन प्रेममा परिवर्तन भएको थियो । आफ्नो प्रेमसम्बन्धलाई उनीहरूले अप्रिल ३०, २०१६ मा विवाहमा परिणत गरेका थिए ।