आयकर विभागले किन घरमै पठायो अक्षयकुमारको सम्मानपत्र ?

नयाँ दिल्ली । बलिउड अभिनेता अक्षयकुमारलाई आयकर विभागले फिल्म उद्योगमा सबैभन्दा बढी कर तिरेकोमा सम्मानपत्र पठाएको छ । अक्षयकुमार सुटिङको लागि देशबाहिर रहेकाले आईटी विभागले सम्मानपत्र पठाएको हो ।

अन्तर्राष्ट्रिय सञ्चारमाध्यमका अनुसार अक्षयकुमार टिनु देसाईको आगामी फिल्मको सुटिङका ​​लागि बेलायतमा छन् । त्यसैले सम्मानपत्र उनको टोलीले बुझेको हो ।

अभिनेता अक्षयकुमारले यस्तो सम्मान पाएको यो पहिलोपटक भने होइन । पछिल्लो ५ वर्षदेखि अक्षय सबैभन्दा बढी कर तिर्नेको सूचीमा छन् ।

समाचारअनुसार अक्षयसँग उनको क्रेडिटमा धेरै फिल्महरू छन् र पर्याप्त अफरहरू छन् । उनलाई भारतमा सबैभन्दा बढी कर तिर्नेहरूको सूचीमा देख्नु अचम्मको कुरा होइन ।

अक्षय हालै करण जोहरको च्याट शो कफी विथ करणमा सामन्था रुथ प्रभुसँग देखिएका थिए । करणले अक्षयलाई आफ्नो उमेरभन्दा कान्छी नायिकासँग काम गरेको कारण ट्रोल भएको भन्दै प्रश्न गरेका थिए ।

यसैमा अक्षयले भनेका थिए, ‘यसको कारणले गर्दा मानिसहरू मसँग ईर्ष्या गर्छन्। म युवा अभिनेत्रीहरूसँग काम गर्नसक्छु । के म ५५ वर्षको देखिन्छु ? म यो समस्या बुझ्दिनँ ।’