प्रिमियर लिगका खेलाडी बलात्कार आरोपमा पक्राउ
नेपाल प्रेस
२०७९ असार २१ गते १२:४६
काठमाडौं । प्रिमियर लिग र अन्तर्राष्ट्रिय फुटबल खेलाडी नर्थ लन्डनमा बलात्कारको आरोपमा पक्राउ परेका छन् ।
अन्तर्राष्ट्रिय सञ्चारमाध्यमका अनुसार नाम नखुलाइएका २९ वर्षीय खेलाडी सोमबार बिहान पक्राउ परेका हुन् । बीबीसीले उल्लेख गरेअनुसार उनलाई अहिले हिरासतमा राखिएको छ ।
उनीविरुद्ध जुलाई ४ मा २० वर्षीया एक महिलाले बलत्कार गरेको भन्दै प्रहरीमा रिपोर्ट गरेकी थिइन् । साउथ लन्डनको माहानगरीय पुलिसका अनुसार जुनमा बलात्कार भएको भन्दै उक्त महिलाले उजुरी दिएकी हुन् ।
हिरासतमा राखिएका खेलाडीमाथि उक्त घटनका बारेमा सोधपुछ भइरहेको बीबीसीले जनाएको छ ।
प्रतिक्रिया