पूँजी बजारकाे सुधार माग गर्दै शेयर लगानीकर्ताहरुले गरे प्रदर्शन (भिडिओ)
नेपाल प्रेस
२०७९ असार ४ गते १६:०५
काठमाडौं । पूँजी बजार सुधारको माग गर्दै आन्दोलनरत शेयर लगानीकर्ताहरुले शनिबार प्रदर्शन गरेका छन् ।
पूँजी बजार सुधार संघर्ष समितिले आफूहरुले अघि सारेको माग तत्काल कार्यान्वयन गर्नुपर्ने भन्दै ललितपुरको खुलमटारस्थित धितोपत्र बोर्डको कार्यालय नजिकै र्यालीसहित प्रदर्शन गरेका हुन् ।
प्रदर्शनमा सहभागीहरुले ‘पूँजी बजारको सुधार र विकास रोक्न पाइँदैन’, ‘नेप्सेको पुनर्संरचना गर’, ‘धित्तोपत्र बोर्डलाई स्वायत्त बनाऔं’लगायतका नारा लगाएका थिए ।
पूँजी बजार सुधारको मागसहित लगानीकर्ता संघर्ष समितिका संयोजक तिलक कोइराला विगत ४ दिनदेखि आमरण अनसनमा छन् ।
अनसनरत कोइरालाको स्वास्थ्य अवस्था कमजोर बन्दासमेत सरकारको ध्यान नगएको भन्दै उनीहरुले आक्रोश व्यक्त गरेका छन् ।
नेपाल प्रेस
प्रकाशित: २०७९ असार ४ गते १६:०५
प्रतिक्रिया
सम्बन्धित खवर
