आसिफ र कुशल घाइते भएपछि अमेरिका बोलाइए विकेटकिपर सुवास खकुरेल
नेपाल प्रेस
२०७९ जेठ २२ गते १७:०१
काठमाडौं । विश्वकप लिग-२ अन्तर्गत अमेरिकामा हुने त्रिकोणात्मक एकदिवशीय अन्तर्राष्ट्रिय क्रिकेट शृङ्खलाका लागि नेपाली टोलीका दुवै ओपनर ब्याट्सम्यान घाइते भएपछि विकेटकिपर सुवास खकुरेललाई अमेरिका पठाइने भएको छ ।
नेपाल क्रिकेट संघ-क्यानले खकुरेललाई अमेरिका पठाउन लागिएको जनाएको छ । ओपनरद्वय कुशल भुर्तेल र आसिफ शेख घाइते छन् ।
शेख विकेटकिपर पनि हुन् । जुन ९ तारिखमा हुने खेलका लागि दुवै खेलाडी उपलब्ध हुने नहुने निश्चित छैन ।
अमेरिकामा हुन लागेको यो शृङ्खलामा नेपाल र घरेलु टोलीसहित ओमान पनि रहेको छ ।
नेपाल प्रेस
प्रकाशित: २०७९ जेठ २२ गते १७:०१
प्रतिक्रिया
सम्बन्धित खवर
