स्वरोजगार कोषले दियो ब्याजअनुदान वितरणमा तीव्रता, देशभर एक करोड बाँडियो

काठमाडौं । युवा स्वरोजगारकोषले पछिल्लोसमय ‘असल व्यवसायी’हरूलाई ब्याजअनुदान दिने क्रम तीव्र पारेको छ ।

कोषले बिहीबार भक्तपुर जिल्लाको सूर्यविनायकस्थित प्रकृति सहकारीसंस्थामा आवद्ध व्यवसायीहरूलाई करिब ३ लाख रूपैयाँ ब्याजअनुदान बाँडेको हो । कोषको तर्फबाट अनुसन्धान, कार्यक्रमप्रवर्द्धन तथा सूचनाप्रविधि शाखाप्रमुख नारायणदत्त देवकोटाले उक्त परिमाणको रकम बाँडेका हुन् ।

कोषसँग थोककर्जा सम्झौता गरी प्रकृति सहकारीले लगानी गरेकोमध्ये १७ जना व्यवसायीलाई २ लाख ७२ हजार रूपैयाँ एक कार्यक्रमबीच वितरण भएको हो ।

केहीदिनअघि पनि कोषका कार्यकारीनिर्देशक विश्वमोहन अधिकारीले एक कार्यक्रमबीच काठमाडौंस्थित तारकेश्वरमा रहेका काभ्रेस्थली कृषि र युवक कृषि सहकारीका सदस्यलाई ५ लाख ३ हजार रुपैयाँ ब्याजअनुदान वितरण गरेका थिए ।

कोषले चालु वर्षको जेठसम्ममा १ करोड ६ लाखभन्दा धेरै रूपैयाँ ब्याजअनुदान वापत वितरण गरिसकेको छ । कोषले मुलुभरका करिब २३ शय वित्तीय संस्थामार्फत करिब ११ अर्ब २३ करोड रुपैयाँ लगानी गरेको छ ।

वित्तीय संस्थामार्फत् लगेको कर्जा नियमितरूपमा साँवाब्याज तिर्नेलाई कोषले ‘असल व्यवसायी’ मान्दै आएको कोषले ‘असलव्यवसायी’लाई ६० प्रतिशत ब्याज फिर्ता गर्ने प्रावधान राखेको छ ।

कोषका कार्यकारीनिर्देशक विश्वमोहन अधिकारीले ‘असल व्यवसायी’लाई ब्याजअनुदान दिने नीति अख्तियार गर्दै आएको बताए ।

कोषले मुलुकभरका विभिन्न जिल्लास्थित सहकारी तथा वित्तीय संस्थामार्फत् ९ अर्ब कर्जा प्रवाह गरी करिब ९८ हजार रोजगारी सृजना गरेको दाबीसमेत गरेको छ ।